Charter Document - 04890309
| Charter Number: | 04890309 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 |
| Date type: | Internal, A.D., Abbot-Prior, Regnal |
| Resource Link(s): |
|
Charter:
In nomine sancte et individue Trinitatis Amen Quoniam ex proprio Dei precepto statutum in lege scientibus legem non est ambiguum decimas levitis in proprium Dei servitium segregatis debere persolvi cum laica manus cas usurpat divinis profecto decretis obviat nec solum earum invasores nefandi maximum suarum animarum periculum incurrunt sed etiam illi qui quasi jure privato deinceps illas retinentes donec morte preveniantur possidere minime desistunt Quapropter ego Suggerius Dei permissione monasterii Sancti Dyonisii de Gallis minister et abbas indignus sepe rogatus a Matheo cognomine Pulchro quod duas partes decime de Sancto Briccio quas ipse tenebat in feodo de Sancto Dyonisio Sto Martino de Campis tenendas et possidendas concedere[m] cum omni capitulo nostro benigne concessi In presentia siquidem nostra totiusque capituli nostri prefatus Matheus predictam decimam de Sancto Briccio domui Sti Martini de Campis concessit nobis libenter et amabiliter propter maximum inter nos illamque domum mutue dilectionis aftectum assensum prebentibus et acte rei testimonium prebentibus Affuerunt etiam quamplures alii confirmationis hujus testes idonei quorum nomina subscripta sunt Clemens decanus ecclesie Parisiensis Wermundus archidiaconus Albertus precentor Hugo Atrabalensis archidiaconus Philippus frater Regis Nevelo suus magister Walterius filius Mainburgis Herluinus canonicus Symon nepos Abbatis Matheus dominus de Montemorenciaco Ruricus de Aandelhi Guido de Groela Galterius de Alne [to] Johannes de Vinecel Philippus frater ejus Godardus de Sancto Briccio Arnulphus de Yoxae Johannes de Gonessa Terricus major Evraldus hospitarius Henricus vincarius Tigerius Euvrardus famulus Actum est hoc et hec carta anno ab Incarnatione Domini MCXLVIII regnante Ludovico rege Francorum duce Aquitanorum anno regni sui xviii abbatie vero nostre xxvii