Charter Document - 04890306
| Charter Number: | 04890306 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 |
| Date type: | Internal, A.D. |
| Resource Link(s): |
|
Charter:
Omnibus qui auctore Dei pastorali cure invigilant necesse est plus prodesse quam preesse Quod ego Odo Belvacensis episcopus segundus implere desiderans et religiosam vitam monachorum Sti Martini de Campis agnoscens ipsis eorumque successoribus ecclesiam Bte Marie de Insula Adam in perpetuum possidendam concedo cum appendiciis suis que de manu laica libere et omnino absolute per manum nostram exposita est et in sinum matris Ecclesie restituta donumque inde factum prefatis fratribus presentis pagine et sigilli nostri attestatione firmarmus Insuper approbamus et sancimus compositionem factam inter priorem ejusdem monasterii donnum Odonem II et capellanum ecclesie Meru super medietate redditus ipsius ecclesie que compositio hujusmodi est quod pro medietate quam ibi habebant vii lib Belvacensis monete capellanus cellerario vel Priori persolvet singulis annis in perpetuum Confirmamus etiam in ecclesia de Prateriis xx solidos Parisiensis monete predictis fratribus de beneficiis ipsius ecclesie persolvendos a capellano ibidem per successiones imperpetuum servituro [Horum testes affluerunt Ivo decanus Theobaldus archidiaconus Johannes archidiaconus Odo cantor Symon subcantor Matheus diaconus Willelmus subd] Actum anno Verbi incarnati MCXLVIII