Charter Document - 04890282
| Charter Number: | 04890282 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1144 |
| Date type: | Internal, A.D., Calendar, Papal |
| Resource Link(s): |
|
Charter:
Lucius episcopus servus servorum Dei dilectis filiis Odoni priori Sancti Martini de Campis ejusque fratribus t p q f regulariter substituendis imperpetuum Ad hoc nobis Ecclesie catholice cura a sumno Pastore Deo commissa est ut Dei servos paternis affectibus diligamus et eo amplius studeamus ipsorum devotionem modis omnibus confovere quo ferventius ipsi disciplinis ecclesiasticis ex sanctorum Patrum regulis inherere noscuntur Tunc enim Deo gratus apostolicus impenderit famulatus si sanctorum locorum salubris institutio rigor et ordo nostris patrociniis in religionis puritate fuerint conservata Eapropter dilecti in Domino filii venerabilis fratris nostri Theobaldi Parisiensis episcopi qui per Dei gratiam eidem loco utiliter prefuisse dignoscitur precibus inclinati vestris justis postulationibus clementer annuimus et ecclesiam Beati Martini in qua divino mancipati estis obsequio sub Beati Petri et nostra protectione suscipimus Statuentes ut quascumque possessiones quecumque bona eadem ecclesia inpresentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis Deo propitio poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis In episcopatu Exoniensi ecclesiam Sancti Jacobi et ecclesiam Sancti Petri de Tivertonia cum capellis terris et omnibus pertinentiis suis Terram de Cocheleia et de Crauvelia In episcopatu Ambianensi ecclesiam Sancti Gervasii de Enchra cum capellis et omnibus p s In episcopatu Atrabatensi ecclesiam de Passu cum capellis et o p s In archiepiscopatu Senonensi in ecclesia Sancte Marie de Stampis prebendam unam In ecclesia Sancte Genevefe prebendam unam In episcopatu Belvacensi ecclesiam de Prateriis In episcopatu Cathalaunensi ecclesiam de Walemonte Ecclesiam de Frisivilla cum capella Ecclesiam de Nigroloco Ecclesiam de Espancis Ecclesiam de Verreriis Capellam secus castrum Domni petri in Estanneio cum omnibus earum pertinenciis Porro locus ipse in obediencia et subjectione abbatis Cluniacensis ad cujus jus pertinere dinoscitur cum omnibus que ad ipsum pertinent perpetuo maneat Decernimus eterne pacis inveniant Amen Amen Amen Ego Lucius catholice ecclesie episcopus Ego Conradus Sabinensis episcopus Ego Theodeuinus Sancte Rufine episcopus Ego Petrus Albanensis episcopus Ego Gregorius presbiter cardinalis tituli Calixti Ego Rainerius presbiter cardinalis tituli Ste Prisce Ego Guido presbiter cardinalis tituli SS Laurentii et Damasi Ego Nicolaus presbiter cardinalis tituli S Ciriaci Ego Manfredus presbiter cardinalis tituli Ste Savine Ego Hugo presbiter cardinalis S R E tituli S Laurentii in Lucina Ego Julius presbiter cardinalis tituli S Marcelli Ego Gregorius diaconus cardinalis SS Sergii et Bacchi Ego Guido diaconus cardinalis SS Cosme et Damiani Ego Octavianus diaconus cardinalis S Nicholai in carcere Tulliano Ego Radulfus diaconus cardinalis S Lucie in septa Solis Ego Johannes diaconus cardinalis S Adriani Ego Gregorius diaconus cardinalis S Angeli Ego Astaldus diaconus cardinalis S Eustachii Ego Johannes diaconus cardinalis Ste Marie nove Ego Berardus diaconus cardinalis Sancte Romane Ecclesie Datum Lateranis per manum Baronis sancte Romane ecclesie subdiaconi nonis decembris indictione viii Incarnationis Dominice anno MCXLIIII pontificatus vero domni Lucii II pape anno I