Charter Document - 04890275
| Charter Number: | 04890275 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1143 - 1144 |
| Date type: | Assigned |
| Resource Link(s): |
|
Charter:
In Christi nomine Ego Odo Belvacensis episcopus ad noticiam tam futurorum quam presentium pervenire volumus quod Symon Orphanus et uxor ejus Basilia cognomento Puella admoniti consiliis bonorum virorum pro se et antecessoribus suis ecclesiam de Praeriis cum minuta decima quam non secundum Deum tenuerant nobis libere reddiderunt et precibus ipsorum monasterium Beati Martini per manum nostram de prefata ecclesia cum decima investivimus Hanc investituram factam predicto monasterio confirmamus et sigilli nostri impressione hoc scriptum inde factum salvo jure Belvacensis ecclesie et archidiaconi corroboramus Huic confirmationi interfuerunt abbas Galterius Sancti Symphoriani Gaufredus abbas Sancti Quintini Henricus archidiaconus Petrus prior Sancti Luciani Bernardus et Odo canonici Beati Petri Johannes precentor Ursio subdiaconus qui tunc agebat vices archidiaconi Helinandus capellanus episcopi