Charter Document - 04890274
| Charter Number: | 04890274 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1140 - 1144 |
| Date type: | Assigned |
| Resource Link(s): |
|
Charter:
Odo Dei gratia Belvacensis episcopus Nominis Christiani dignitate signatis omnibus fidelibus in Domino salutem Notum fieri volumus omnibus tam futurorum quam presentium omnia que habent monachi Sancti Martini de Campis qui manent apud Sanctum Nicholaum in villa que vocatur Aci juxta Silvanectensem urbem me episcopali auctoritate concedere et confirmare ea scilicet que in meo episcopatu noscuntur habere Ecclesiam de Noa Sancti Remigii cum omni decima Ecclesiam de villa Bernoz et quinque partes decime Ecclesiam de Roveredo et atrium et minutam decimam totam et medietatem magne decime Et si qua alia elemosina fidelium in meo habent episcopatu concedo et confirmo et omnes qui hec inquietare auferre aut minuere presumpserunt auctoritate Dei omnipotentis anathematizo Et ut hec firmitatem perpetuam obtineat sigillo meo corroboro