Charter Document - 04890258
| Charter Number: | 04890258 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1142 |
| Date type: | Internal, A.D. |
| Resource Link(s): |
|
Charter:
Manasses Dei gratia Meldensis ecclesie humilis minister Theobaudo priori Bti Martini de Campis suisque successoribus in perpetuum Ex injuncto pontificatus officio nobis imminet ecclesiis Dei paternam sollicitudinem impendere et tam utilitati quam quieti earum imposterum providere ut igitur scientium participatione ab oblivionis interitu defendatur tam posteris quam modernis presenti pagina notum habeatur quatenus Margareta de Marnoa Dei amore et anime sue salute dedit Deo et ecclesie Bti Martini de Campis per manum predecessoris nostri pie recordationis Burchardi quicquid habebat in ecclesia de Asceia in magnis decimis et parvis et in oblationibus Preterea eisd monachis quicquid habebat in ecclesia de Marolio per manum prefati Burcardi similiter dedit Huic pacto laudabiles persone interfuerunt et nomina sua subscribi preceperunt Theobaudus archidiaconus Hugo decanus magister Gerricus Postremo ut hoc donum stabile permaneat et inconcussum presentibus litteris adnotari et sigillo nostro precepimus corroborari Si quis vero quod absit hoc donum ausu temerario violare presumpserit Dei auctoritate et ligandi atque solvendi ab eo nobis concessa potestate anathema sit Actum Meldis anno ab Incarnatione Domini MCXLII