Charter Document - 04890255
| Charter Number: | 04890255 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1140 - 1141 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Quia juxta propheticam et evangelicam vocem veritates a filiis hominum diminui et refrigescente charitate iniquitatem proh dolor videmus habundare oportunum imo necessarium est nos operam omnimodis dare quatenus iniquitatis multiplicitati et habundantie per bonorum operum incrementa valeamus resistere Hac igitur ratione ego Stephanus Dei gratia Parisiorum episcopus concedo et confirmo monachis Sancti Martini de Campis qui manent juxta Silvanectis in villa que dicitur Acy ecclesiam de Derenciaco cum omni minuta decima et tertia parte majoris decime tam vini quam segetis Et ecclesiam de Carrona similiter cum omni minuta decima et tertia parte majoris decime tam vini quam segetis Et ut hec in sempiternum rata et firma permaneant presentem cartam nostri authoritate sigilli firmari fecimus Actum Parisius publice in capitulo Beate Marie anno Incarnati Verbi MCXL