Charter Document - 04890254
| Charter Number: | 04890254 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1140 - 1141 |
| Date type: | Internal, A.D., Episcopal |
| Resource Link(s): |
|
Charter:
Omnibus ad quos presens scriptura pervenerit Manasses Dei miseratione dictus Meldensis episcopus salutem in Domino Noverit universitas vestra quod domnus Radulphus de Alneto et domnus Walterius frater ejus divina inspiratione commoti pro animabus suis et predecessorum suorum in villa que dicitur Malregart ecclesiam quandam in honore Bti Johannis Baptiste fundaverunt et consensu et assensu nostro monasterio Cluniacensi in elemosinam dederunt eui etiam ecclesie ad sustentationem monachorum ibidem Deo et Sancto Johanni Baptiste servientium de proprio redditu assignaverunt Ipsam videlicet ecclesiam de Malregart cum atrio et pertinenciis suis in qua presbiter parochialis nichil omnino habet preter medietatem oblacionum que ad manum ejus venerint et confessiones suas et in festivitate Sancti Johannis Baptiste tantummodo iiii denarios et in mense augusti modium unum ybernalis annone qui presbiter ab ipsis monachis eligendus et in eadem ecclesia ponendus est In ipsa villa furnum unum et tam majorem decimam quam minorem et totam decimam de essartis qui ad rogum sunt et xiv sol censuales ibidem et duas partes decime in rupticiis ultra et totum nemus quod appellatur Briteil et usuarium suum in silvis prefati Walterii ultra Monciacum ad comburendum et edificandum Terram eciam quandam juxta eandem villam a pred Radulfo emptam Hec quidem omnia in episcopatu nostro habita per manus nostras investituram seped monachis irrevocabiliter donaverunt Et quicquid ipsi monachi in posterum jure ac legaliter acquirere poterunt infra fines terre et feodi ipsorum ipsis monachis possidendum concesserunt Preterea sub nostra testificatione quedam alia in aliis episcopatibus sita eisdem monachis concessa et donata sunt In episcopatu videlicet Parisiensi in villa que dicitur Tournedos furnum unum et juxta Villampictam molendinum unum quod vocatur Molendinellum Medietatem decime quam Radulphus infirmarius de Sto Martino in vadio apud Cevrent accepit pro xl lib pruviniensium cujus alteram medietatem infirmarius habet eo tenore ut si suprad decima redimatur ecclesia de Malregart c et x sol par super medietatem suam obtineat In villa eciam que Monciacus dicitur pratum unum In episcopatu Silvanectensi modium unum annone in molendino de Hermanevilla quod Comitissa de Domnomartino pro anima comitis ipsi ecclesie contulit Quod ne tractu temporis vel malignantium versutiis in dubium revocetur petitione domni Radulphi de Alneto et Walterii fratris ejus presenti scripto et sigilli nostri appositione confirmavimus Actum Meldis Incarnationis Domini MCXL anno ordinationis nostre septimo