Charter Document - 04890253
| Charter Number: | 04890253 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1140 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis Quia juxta prophetiam et evangelicam vocem veritates a filiis hominum diminui et refrigescente caritate iniquitatem proh dolor videmus habundare oportunum immo necessarium est nos operam omnimodis dare quatinus iniquitatis multiplicitati et habundantie per bonorum operum incrementa valeamus insistere Hac igitur ratione ego Stephanus Dei gratia Parisiorum episcopus concedo et confirmo monachis Cluniacensibus terciam partem decime de Balbiniaco tam majoris quam minute que data est eis pro anima Fulconis militis Jotrensis Et ut hec rata et firma permaneant presentem cartam sigilli nostri auctoritate firmari fecimus signisque canonicorum nostrorum corroborari precepimus Actum Parisius anno ab Incarnatione Domini MCXL regnante Ludovico rege anno IX