Charter Document - 04890249
| Charter Number: | 04890249 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1139 |
| Date type: | Internal, A.D., Episcopal |
| Resource Link(s): |
|
Charter:
In Dei nomine omnibus Christi fidelibus tam presentibus quam futuris notum facimus quia domnus Petrus prior Sti Nicholai de Achi cum ceteris fratribus ibidem Deo famulantibus humiliter nostram presentiam adeuntes instanter petiverunt quatenus decimam orti sui retro ecclesiam suam positi etiamsi ampliori capacitate idem locus possit dilatari et quicquid intra murorum suorum ambitum continetur sub aliquo censu eidem ecclesie concederemus Quorum petitionem ego Hibertus ecclesie Beate Marie decanus Oilardus archidiaconus Bartholomeus precentor cum ceteris canonicis nostris dignam ducentes voluntati eorum satisfaciendo adquievimus et sub censu sex denariorum totam orti decimam ut superius dictum est ecclesie beati Nicholai unanimiter concessimus Hoc siquidem actum est domno Petro episcopo impresentiarum assistente et hoc statutum nostrum laudante Preterea omne beneficium tam in decimis quam in redditibus aliis quod idem Petrus infra episcopatum suum beato Nicholao confirmaverat laudavimus et assensum unanimiter prebuimus Quod ratum et inconvulsum in perpetuum permanere volentes sigilli nostri auctoritate et probabilium personarum astipulatione presentem paginam munimus Actum Silvanectis publice in capitulo Ste Marie anno Verbi incarnati millesimo centesimo trigesimo nono episcopatus domni Petri sexto astantibus quorum nomina subtitulata sunt et signa S Domini Petri episcopi S Hiberti decani S Oilardi archidiaconi S Bartholomei precentoris S Goisberti canonici S Odonis canonici S Petri prioris S Radulfi monachi S Garnerii canonici S Haimonis canonici S Renoldi prepositi