Charter Document - 04890243
| Charter Number: | 04890243 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1138 |
| Date type: | Internal, A.D., Papal |
| Resource Link(s): |
|
Charter:
Innocentius episcopus servus servorum Dei dilectis filiis Teobaldo priori et fratribus monasterii Beati Martini in Campis t p q f regulariter substituendis in perpetuum Que piis et religiosis locis largitione episcoporum liberalitate regum conferuntur libenti animo Apostolice Sedis munimine roboramus Eapropter dilecti in Domino filii ecclesiam de Veteri Creceio cum atrio omnibusque suis appenditiis a venerabilibus fratribus nostris Burcardo Meldensi episcopo vobis pia devotione donatam et a Manasse ipsius successore postmodum confirmatam vobis vestrisque successoribus et per vos monasterio B Martini in perpetuum presentis scripti pagina confirmamus statuentes ut nulli omnino hominum liceat eandem donationem infringere vel mutare aut huic nostre confirmationi ausu temerario contraire Si quis autem hoc audaci presumptione attentaverit iram Dei omnipotentis et Beatorum Petri et Pauli apostolorum ejus incurrat Datum Lateranis per manum Almerici sancte Romane ecclesie diaconi cardinalis et cancellarii III idus Aprilis indictione i Incarnationis Dominice anno MCXXXVIII pontificatus vero domni Innocentii pape II anno viiii