Charter Document - 04890240

In nomine sancte et individue Trinitatis Ego Manasses Dei gratia Meldensis episcopus Theobaudo priori Bti Martini de Campis suisque successoribus imperpetuum Notum facimus tam presentibus quam posteris quod controversia illa que erat inter ecclesiam Bti Martini de Campis et domnum Gauterium canonicum nostrum de ecclesia de Veteri Creceio in hunc modum sopita est Walterius siquidem tam de predicta ecclesia quam de omnibus ejus appenditiis in manus nostras sese divestivit Nos vero de eadem ecclesia et ejus appendiciis Theobaldum priorem Sti M de C ipsius assensu investivimus Predictus deinde prior ipsam ecclesiam prefato Gauterio in vita sua tenendam tali conditione concessit quod singulis annis seped Gaulterius de reditibus ipsius ecclesie xx sol pruviniensis monete monachis ibidem habitantibus reddet Si vero casu aliquo monachi defuerint priori et monachis Bti Martini vel misso eorum persolvet medietatem scilicet in Pascha altera vero medietatem in festivitate Omnium sanctorum In mense etiam augusto sextarium annone minam videlicet unam frumenti alteram tramesii et in tribus illis sollempnitatibus in quibus predictus Gauterius oblationes solet accipere panem unum cum candela predictus prior sibi retinuit De cetero vero toto anno ad manum monachorum venerit vel etiam quidquid seu a defunctis seu a vivis ei dimissum fuerit totum ipsorum erit Hoc excepto quod in illis festivitatibus tantum que feriantur a populo et in dominicis diebus ex quo sacerdos missam cantare inceperit monachatus non cantabit donec Sanctus Sanctus dicatur Si vero necessitas monachum cantare coegerit in spatio illo hostia claudet et nullum parrochianorum recipiet Deinde diffinitum est quod canonici de Creceio qui aliud cimiterium non habent nisi in predicta ecclesia cum mortuum suum sibi sepeliendum attulerunt quicumque seu de clericis seu de monachis missam sive unam sive plures celebraverint beneficium illud tam monachis quam clericis per medium dividetur Statutum est etiam quod monachis non licebit de ecclesia illa sacerdotem removere vel alium introducere quamdiu domnus Walterius eam tenuerit Defuncto ipso Walterio vel de seculo ad religionis propositum Dei nutu promoto monachorum erit ecclesie sue presbiterum querere et episcopo presentare Quod si inter monachos et eundem Wauterium aliqua forte querela surrexerit que causidicorum susceptationibus egeat in presentia nostra deducenda est ibique domnus Wauterius nostra censura quod justum fuerit exequetur Postremum autem diffinitum est amodo monachis licere circa illud monasterium domos suas edificare ex quacunque parte voluerint hoc tantummodo determinato quod si infra edificia sua domum alicujus occupaverint pacem congruam cum ipso facere procurabunt Quod ut ratum et inconcussum permaneat presente scedula adnotari et sigilli nostri auctoritate precipimus roborari Huic pacto laudabiles persone interfuerunt et nomina sua subscribi preceperunt Signum Natalis abbatis Resbacensis S Serlonis abbatis Sti Luciani S Helie Cagiensis abbatis S Odonis subprioris Sti Martini S Gamonis Gornacensis prioris S Rogerii prioris de Choseio S Hugonis prioris de Crispeio S Wilelmi monachi de Resbaco S Amaurici monachi de Columnis S Widonis monachi de Charle De canonicis etiam Meldensibus S Hugonis decani S Theobaldi archidiaconi S Pagani et Rainoldi presbiterorum S Rainoldi diaconi S Biselli Guibaldi Ade Ursionis subdiaconorum Actum est hoc Meldis in domo episcopali assensu capituli anno ab Incarnatione Domini MCXXXVII regnante Ludovico rege Francorum Ludovico patre suo eodem anno defuncto Henrico etiam metropolitane Senonensis ecclesie presidente Theobaudo Blesensem consulatum administrante