Charter Document - 04890239
| Charter Number: | 04890239 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1137 - 1138 |
| Date type: | Internal, A.D., Regnal |
| Resource Link(s): |
|
Charter:
In nomine sancte Trinitatis amen Ego Lucdovicus Dei gratia rex Francorum et dux Aquitanorurn notum fieri volumus cunctis fidelibus tam futuris quam et instantibus quod consilio et prece domne et matris nostre Adelaydis regine et plurimorum hominum et fidelium nostrorum domum quandam et furnum in eadem domo quos Adelendis que Genta cognominatur Parisius in foro novo in loco videlicet qui in suburbio Parisiensi Campellus appellatur de suo proprio edificavit et construxit cum hospitibus in eodem loco manentibus nos eidem Gente perpetuo ita concedimus quod quilibet famuli aut ministeriales nostri ibi nullatenus manum mittant sed et domus et furnus liberi omnino ab omni consuetudine et exactione cum hospitibus ibi manentibus perpetuo existant neque ullo modo aliquis excepta predicta Genta ibi aliquid exigat aut potestatem aliquam ibi exerceat et eidem Gente et successoribus suis quicquid voluerint inde facere libere liceat Precipimus etiam ut idem furnus ita in predicto foro et loco solus et unicus perpetuo habeatur quod nunquam a nobis neque ab alio aliquo furnus ibi alius ullatenus construatur Quod ut perpetue stabilitatis optineat munimentum presenti scripto memorie commendari et sigilli nostri authoritate et nominis nostri caractere corroborari precipimus Actum Parisius in palatio nostro anno Incarnati Verbi MCXXXVII regni nostri iiii astantibus in palatio nostro quorum nomina subtitulata sunt et signa Signum Radulfi Viromandorum comitis et dapiferi nostri S Willelmi buticularii S Hugonis constabularii S Hugonis chamerarii Data per manum Algrini cancellarii