Charter Document - 04890234
| Charter Number: | 04890234 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1125 - 1135 |
| Date type: | Assigned |
| Resource Link(s): |
|
Charter:
Henricus Dei gratia rex Anglorum episcopo Exonie et vicecomiti et Alveredo de Toteneis et omnibus baronibus et fidelibus suis Francis et Anglicis de Devenescira salutem Sciatis me donasse et firmiter concessisse Deo et Sancto Petro de Cluniaco et Beatissimo Martino de Campis ecclesiam Sancte Marie Magdalene de Barnestapla cum omnibus appendiciis suis sicut venerabilis memorie Johel et alii fideles Xristi pro statu et incolumitate regni mei et pro salute anime mee et patris et matris mee et Mathildis regine uxoris mee et Willelmi filii mei et predecessorum et antecessorum meorum Et volo et firmiter precipio quod bene et in pace et honorifice et libere teneant unam virgatam terre de Piltona cum luco et aquis et pratis et alteram virgatam de Pillanda cum luco et molendinum de Barnestapla cum multura totius castelli et alteram virgatam de Kimelanda et i ferlingum terre de Cerchilla et unum ferlingum terre de Cokoslega et unum ferlingum de Witefelda cum luco et quinque solidos de molendino de Almondesworde et quinque solidos quos Henricus de Soratona dedit et duos solidos de molendino de Langatriva Et sciatis me clamasse quietam totam supradictam terram de omnibus geldis et danegeldis et hidagiis et placitis et auxiliis et omnibus consuetudinibus cum socca et sacca et toll et theam et in fanguenetes in bosco et in plano aquis pratis viis semitis Testibus Johanne episcopo Luxoviensi Roberto de Sigillo Roberto comite de Gloucester et comite de Auco Baldwino de Ridvers Willelmo filio Odonis Willelmo de Verneto Ilberto de Laci Roberto de Curci Apud Pirarios