Charter Document - 04890227
| Charter Number: | 04890227 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1128 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis ego Ludovicus Dei misericordia in regem Francorum sublimatus notum fieri volo cunctis fidelibus tam futuris quam et instantibus quod pro peccatorum nostrorum remissione Deo et ecclesie Bti Martini de Campis digna et humili peticione domni Odonis honestissimi prioris ejusdem loci et fratrum ibi Deo servientium in perpetuum concedimus quod Nos vel heredes nostri nunquam Bti Martini homines vel hospites capiemus nisi in presenti forefacto fuerint deprehensi et si Nos vel homines nostri querelam adversus eos aliquam habuerimus in curiam Beati Martini ibimus et justiciam per manum prioris et monachorum inde suscipiemus Concedimus etiam quod Beati Martini homines nunquam in expeditionem vel equitatum ex consuetudine nisi ex amore solummodo et pace et voluntate et licentia prioris ibunt Preterea quicquid de feodo meo eis datum est vel in futurum poterunt largiente Domino adipisci illis jure perpetuo concedimus et confirmamus Quod ne valeat oblivione deleri scripto commendavimus et ne possit a posteris infirmari sigilli nostri auctoritate et nominis nostri karactere subter firmavimus Actum Parisius anno Incarnati Verbi MCXXVIII regni nostri xx Astantibus in palatio nostro quorum nomina substitulata sunt et signa S Ludovici buticularii S Hugonis constabularii S Alberici camerarii Dapifero nullo Algri[nus] notarius relegendo subscripsi