Charter Document - 04890224
| Charter Number: | 04890224 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 |
| Date type: | Internal, A.D. |
| Resource Link(s): |
|
Charter:
Ego Bartholomeus Dei gratia Laudunensium episcopus Quoniam sine vere cultu religionis nec caritatis unitas potest subsistere nec Deo gratum exiberi servicium expedit ecclesiastice dignitati religiosas personas diligere et religiosa loca pastoralis auctoritatis munimine confovere Eapropter dilecte in Domino fili Persice abbas tuis justis peticionibus annuentes ecclesiam Sancti Petri de Buciliaco cui auctore Deo preesse dinosceris ubi prius moniales fuerant secundum tenorem ordinis Premonstratensis sub Beati Augustini regula confirmamus tibique posterisque tuis episcopali auctoritate firmantes perpetuo concedimus ut a sacerdotibus canonice professionis tueque posterorumque tuorum subjectionis boni testimonii viris altaria propria ecclesie nostre dyocesis salvo tamen jure pontificali procurari facias Preterea statuimus quascumque possessiones quecumque loca prefata ecclesia in presentiarum juste et canonice possidet firma tibi et tuis successoribus et illibata permaneant In quibus hec propriis duximus exprimenda vocabulis Ipsam videlicet ecclesiam de Bucillis Ecclesiam de Effreis Ecclesiam de Cuirues Ecclesiam de Harcennies cum villis et omnibus legitimis redditibus earumdem villarum Que nimirum ville lege et consuetudine Buciliensis ville tractantur et judicio majoris Buciliensis seniorum et saniorum Buciliensium Si de jure ecclesie dissenserint in camera abbatis apud Bucil judicabuntur Altare de Novis Domibus cum tota decima et dote Alodium quod dedit Ado de Yrechon in quo sibi nichil juris detinuit nisi terciam partem de commisso quando ut advocatus advocabitur Dimidium territorii quod dicitur de Communione cum tota decima tocius territorii Altare de Perueries cum tota decima totoque territorio et omnibus legitimis redditibus ejus Altare de Ohies cum dote Altare de Buires cum dote et terram quam dedit Fulco Levrinus De Leheries territorium et decimam Similiter de Angozis et de Lentis Altare de Espersi cum dote Altare de Gerci cum dote et appenditiis suis Altare de Martigniaco et medietatem totius ville totiusque territorii et medietatem omnium legitimorum reddituum absque casa ecclesie Molendinum de Fossa Alodium de Luinies Apud Anie quosdam campos et quedam prata Apud Bulbinies quosdam campos silvas et prata De territorio de Blici quartam partem tam in decima quam in terragio ceterisque redditibus In ecclesia Sancti Michaelis modium avene Voiane pratum unum et unam terre carrucatam Apud Froimont quosdam campos qui cognomine dicuntur prati S Petri cum silva Apud Agicourt quosdam campos Altare de Lusoir cum dote Apud Novas Domos molendinum super Ysaram Ab unaquaque domo de duabus decaniis que sunt in Terrasia obolatam cere ecclesie singulis annis persolvendam quam pie memorie predecessores nostri Adalberon Leotericus et Elinandus eidem ecclesie confirmaverunt De Albunies totam decimam et terciam partem de terragio Ut autem hec rata et inconvulsa permaneant proprii sigilli impressione et testium subscriptione roborari precepimus Signum domni Bartholomei episcopi qui hoc scriplum fieri jussit S Galteri decani S Hugonis abbatis Premonstralensis Et ceterorum Actum Lauduni sollempniter anno Dominice Incarnationis MCXLVIII