Charter Document - 04890222
| Charter Number: | 04890222 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Renewal |
| Date: | 1120 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis ego Bartholomeus Dei gratia Laudunensium episcopus universis quos oportet scire notum facimus quod privilegium Engelranni domini de Fara in curia nostra presente Thoma ejusdem successore allatum et relectum fuerit eo quod plus cera quam littera deficeret cujus hec erat continentia Ego Engelrannus dominus de Fara ob anime mee et predecessorum meorum remedium libere in perpetuum concedo ecclesie Buciliensi per totam terram meam de Marla et de Fara cum voluerit transire et quicquid placuerit absque wionagio pontonagio et ulla penitus exactione ducere et reducere Thomas autem cum non ignoraret predictam eccclesiam admodum pauperem non solum donum patris laudavit sed ut munimine nostro et auctoritate renovaretur expetiit Insuper etiam omnem terre sue vicinitatem et aisentias contulit et si quid de feodo suo ulterius rationabiliter adquirere posset annuit Verum quia nostrum est nobilium benefacta approbare approbata pontificali auctoritate roborare et testes subscribi et sigillo nostro precepimus muniri Signum Guidonis decani et archidiaconi S Radulphi archidiaconi S Blihardi cantoris S Thome domini de Marla qui hoc scriptum renovari fecit S Rogeri domini de Pe trapontis Et ceterorum Actum Lauduni in curia nostra anno Incarnati Verbi M centesimo XX Ego Radulphus cancellarius Sancte Marie Laudunensis relegi scripsi et subscripsi