Charter Document - 04890220

In nomine sancte et individue Trinitatis amen Ne res digne relatu temporis curriculo depereant et a memoria decidant scripto retinente posteros certificare prisca Patrum consuevit sagacitas Eapropter ego Bartholomeus Dei gratia Laudunensium episcopus notum fieri volumus tam futuris quam presentibus quod Ingobrandus dominus de Petroponte advocatiam hominum Sancti Petri Buciliensis ecclesie in territorio de Petroponte manentium non satis rationabiliter aliquandiu tenuit quam nullus predecessorum suorum antea tenuerat Sed post cum Rogero filio ejus denominate permissu nostro et curie nostre consilio ipsa Buciliensis ecclesie eandem advocatiam concessit tum propter ipsorum indignam rusticorum repugnationem tum propter nobilium circummanentium nimiam erga cos feritatem Ita tamen quod ipse advocatus non prosequetur cos extra territorium de Petroponte Et quod alodium de Cuiriex a pie memorie Elberto Viromandensi comite predicte ecclesie fundatore eidem ecclesie liberaliter collatum fuerat hanc preter advocatum ecclesia detinuit in eodem alodio et habuit dignitatem omnes legitimos redditus bannum sanguinem et justiciam terram et nemus incolis ad excolendum distribuere Et sicut libertatem habet et habuit distribuendi sic succedente tempore seu per elemosinam seu per redemptionem vel etiam forisfactum habuit recipiendi Advocato vero dum advocabitur dumtaxat concessit tertiam partem de commisso de aliquo sibi resistente Preterea si quid incole sine ulla reclamatione ad ecclesiam facta de suo vellent ei dare sine offensa ecclesie poterit accipere Advocatus nichilominus concessit ecclesie omnem vicinitatem terre sue wionagium theloneum et pasturas et si quid etiam de feodo suo ralionabiliter ulterius acquirere posset Mesi etiam quos rustici diu injuste reclamaverant tam curie nostre consilio quam multorum nobilium judicio rei veritate subtiliter examinata coram nobis adjudicati sunt ecclesie Marco quoque domino de Veele sicut et predecessoribus suis fecerat permisit ecclesia accipere corveias ab incolis de Cuiriex eo quod tam curtis ecclesie sita ad Cuiriex quam homines ejusdem ville omnem vicinitatem et pasturas haberent in territorio de Veele Ut autem hujus pagine tenor perpetuum illibatumque vigorem obtineat sigilli nostri impressione et testium subscriptione roborari dignum duximus et in eos qui perturbare presumpserint nisi resipuerint et ad condignam satisfactionem venerint anathematis sententiam promulgamus Signum domni Bartholomei episcopi qui hoc scriptum fieri jussit S Guidonis decani et archidiaconi S Radulfi archidiaconi S Bliardi cantoris S Roberti decani Sancti Johannis S Gaufridi cantoris S Clarenbaldi de Roseito S Eilberti vicedomini S Nicholai castellani S Bliardi de Ercri S Marci de Veele S Odonis de Abbatia S Bartholomei de Boumont S Rogeri de Bolonia Actum apud Laudunum anno Incarnati Verbi MCXIII Ego Radulphus cancellarius Sancte Marie Laudunensis ecclesie relegi et subscripsi