Charter Document - 04890217
| Charter Number: | 04890217 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1132 |
| Date type: | Assigned |
| Resource Link(s): |
|
Charter:
Notum fieri volumus tam p q f quod ego frater Teobaldus prior Sti Martini de Campis consilio fratrum nostrorum et assensu capituli nostri ecclesiam de Vuanneio cum appendiciis suis altare vid de Bonaio et altare de Curcellis a venerabili patre nostro Warino Dei gratia Ambianensi episcopo nobis concessam et a Widone de Wanneio qui eam possederat apud Cluniacum in manu Apostolica libere refutatam nobis ab ipso Apostolico libere redditam et in perpetuo habendam mansuro privilegio confirmatam Corbeiensi abbati Rotberto et ecclesie cui Deo auctore presidebat perpetuo possidendam concessimus tali videlicet conditione ut in Nativitate Sti Johannis Baptiste apud Sanctum Martinum de Campis singulis succedentibus annis ecclesie nostre marcam puri argenti et hustini ponderis persolvant Quod si neglexerint statutum est prefato abbate diligenter annuente ut infra xv dies reddant constitutam marcam argenti cum lege x sol parisiacensium Quod si iterum neglexerint prefata ecclesia de Wanneio cum omnibus que ad eam pertinent ad nostram proprietatem redibit Hoc etiam decretum est ut nunquam ibi monachi desint qui Deo serviant Ego autem frater Rotbertus Corbeiensis abbas hanc conventionem per omnia sicut definita est communi assensu capituli nostri concessi ac sigilli nostri impressione firmavi Hujus conventionis testes sunt ex parte Sti Martini Odo custos ordinis Ricardus armarius Albericus Fulco qui hanc cartam scripsit Wido sacrista Almaricus camerarius Manasses Ricardus Radulfus Acardus Odo subdiaconi et cum his totus conventus ejusdem monasterii Adfuerunt etiam clerici Girardus Rainaldus Daniel frater ejus Adfuerunt etiam laici Germundus Herluinus Filius matris sue Petrus custos hospicii Odo faber Jordanus Albertus de Aneto Warnerius de Aneto Item fuerunt ex parte abbatis Corbeiensis Ingrano subprior Johannes sacrista Godefridus capellanus Johannes camerarius Johannes cellerarius Nicholaus Goszuinus Adam Radulfus Item de clericis Simon archidiaconus Hugo Walbertus Rorgo Herbertus Item de laicis Wibertus Radulfus Hugo prepositus Walterius Lambertus Winemannus