Charter Document - 04890210
| Charter Number: | 04890210 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1135 |
| Date type: | Internal, A.D., Papal |
| Resource Link(s): |
|
Charter:
Innocentius episcopus servus servorum Dei dilecto filio Roberto abbati monasterii Corbeiensis quod in pago Ambianensi situm est eisque successoribus regulariter substituendis in perpetuum Quotiens illud a nobis petitur quod rationi noscitur convenire animo nos decet libenti concedere et petentium desideriis congruum impertiri suffragium Desiderium namque quod ad religionis propositum et animarum salutem pertinere monstratur authore Deo sine aliqua est dilatione complendum Proinde dilecte in Domino fili Roberte abbas hiis rationabilibus postulationibus gratum prebentes assensum Corbeiense monasterium cui divina providentia presides Apostolice Sedis patrocinio communimus statuimus enim ut quascumque possessiones quecumque bona idem monasterium impresentiarum juste et rationaliter possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma tibi tuisque successoribus et illibala permaneant Preterea confirmamus vobis ecclesiam de Vuanneio cum appendiciis suis que sunt altare de Bonnaio et altare de Curcellis a venerabili fratre notro Wuarino Ambianensi episcopo vobis concessa et a Theobaldo priore monasterii Sti Martini de Campis cum assensu capituli vobis perpetuo habenda libere traditas salvo censu unius marce puri argenti quem ad hustinum pondus Sto Martino de Campis in solemnitate Nativitalis Sti Johannis Baptiste persolvere singulis annis debetis Si qua igitur in futurum ecclesiastica secularisve persona [] Adjuva nos Deus Salvator noster Ego Innocentius Catholice ecclesie episcopus subscripsi Ego Guillelmus Prenestensis episcopus Ego Matheus Albanensis episcopus Ego Theodewinus Sancte Rufine episcopus Ego Gerardus presbiter cardinalis titulo Sancte Crucis Hierusalem Ego Lucas presbiter cardinalis titulo SS Johannis et Pauli Ego Guido indignus sacerdos Ego Hubaldus diaconus cardinalis Ste Marie in Via Lata Ego Grisogonus diaconus cardinalis Ste Marie in Porticu Datum Pisis per manum almerigi Sancte Romane Ecclesie diaconi cardinalis et cancellarii vii idus Junii indict xiii Incarnationis Dominice anno MCXXXV Pontificatus vero domni Innocentii pape Segundi anno ii