Charter Document - 04890209
| Charter Number: | 04890209 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1135 |
| Date type: | Internal, A.D. |
| Resource Link(s): |
|
Charter:
In nomine Patris et Filii et Spiritus sancti Guarinus Dei gratia Ambianensis ecclesie humilis episcopus Sancte Ecclesie filiis p et f eternam in Domino salutem Sciat Dilectio vestra nos petitionem Corbeiensis ecclesie super altare de Cuagni et de Bonai quam a nobis humiliter sepius implorata est tandem venerabilis fratris nostri domni Alvisi Atrebatensis episcopi et domni Symonis quandam archidiaconi nostri precibus consilioque benigne suscepisse et duo prefata altaria cum appendiciis et altare de Curcellis cum omnibus terris et rebus ad eadem pertinentibus sicut ab ecclesia Sancti Martini de Campis per censum inter se constitutum tenebat que a nobis ipsa ecclesia Sancti Martini privilegio nostro confirmata habebat cidem Corbeiensi ecclesie salvo omni jure dignitate et consuetudine ecclesie Ambianensis nos concessisse sub eorum testimonio qui huic concessioni affuerant quorum nomina subscribuntur presenti sigillo ex litteris confirmasse Domni videlicet Aluisi Atrebatensis episcopi Domni Symonis Aquicinensis monachi Balduini quoque Ambianensis ecclesie archidiaconi Fulconis cantoris Morini thesaurarii Radulfi quoque de Hilli Adelelmi et Wirmundi canonicorum ecclesie Ambianensis Dominus etiam Drogo de Durtio de cujus feodo prefata altaria fuerunt huic actioni presens interfuit et libentissime concessit Acta anno Verbi incarnati MCXXXV indictione xiiii feliciter Amen Signum Guarini + Ambianensis episcopi Actum est boc tempore domni Roberti qui preerat abbas ecclesie Corbeiensi Ego quoque Arnulfus vices cancellarii agens scripsi et subscripsi