Charter Document - 04890202
| Charter Number: | 04890202 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1133 - 1134 |
| Date type: | Internal, A.D., Episcopal |
| Resource Link(s): |
|
Charter:
In nomine sancte et individue Trinitatis Diligens precedencium patrum prudencia et studiosa nihilominus sagacis providencie eorum sollercia alumna pacis amica concordie presentum futurorumque consulens utilitati hoc instituit hoc previdit hoc inspirante Deo decrevit ut quoties aliquid precipuum agitur vel Deo servientibus memoria dignum confertur beneficium litterarum testimonio et scriptorum privilegio roboretur quo memorie tenacius commendetur Cujus constitutionis doctrinam divinitus editam ego frater Petrus abbas Cluniacensis subsequens actionem illam salutiferam inter piissimum regem Francorum Ludovicum et ejus uxorem Adaleidam reginam corumque filios ac priorem Sancti Martini de Campis domnum Teobaldum et conventum solemniter peractam de ecclesia videlicet Montis Martyrum et de ecclesia Sancti Dionisii de Carcere approbo et concedo utque nostris temporibus et futuris firmior habeatur inviolabiliter teneatur rata conservetur et indissolubilis scripto presenti confirmo Sunt autem hec que ego et conventus concessimus Ecclesia videl libera eo duntaxat modo quo monachi nostri tenuerunt et decima ad eamdem ecclesiam pertinens cum vineas et terra arabili cum uno hospite apud Darenciacum ceterisque appendiciis que ibidem Deo servientes possiderunt Addidimus preterea ecclesiam de Sancto Martyrio cum vincis Aden et Morelli culturam culturam etiam quam dominus Matheus prior comparavit a Vuarnerio de Portu Actum Parisius apud Sanctum Martinum de Campis anno ab Incarnatione Domini MCXXXIII indictione xiv residente in apostolica sede Innocentio Ludovico rege Francorum et domini Petri Cluniacensis abbatis anno duodecimo