Charter Document - 04890200
| Charter Number: | 04890200 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1133 |
| Date type: | Internal, A.D., Episcopal, Regnal |
| Resource Link(s): |
|
Charter:
In nomine sancte et individue Trinitatis Ego Stephanus Dei gratia Parisiensium episcopus licet indignus Non ignoramus quid sollicitudinis quid amoris Xristi et Eclecsie filiis debeam et cum multo timore perpendens quid oneris pro regendis fidelibus populis sustineam quanto ad hec auxilio quantave pro distribuendis michi eorum oblationibus sollertia indigeam faciendum pro necessitate cognovi ad supportandam tante impositionis sarcinam servorum Dei auxilia querere eosque ut nobiscum ob custodiam gregis Dei vigilent et orent stipendiorum nostrorum participes efficere Cum autem omnibus si fieri posset munificum et utilem episcopalis me dignitas esse deposcat religiosis maxime viris munificentie et utilitatis mea liberalitatem aliquam impendere studui Quapropter ecclesie Bli Martini de Campis et fratribus inibi Deo servientibus ecclesiam Sti Dyonisii que dicitur de Carcere quam diu manus laica injuste invaserat que eciam tempore nostro ad manus regias redacta fuerat quam in manibus nostri redditam ex consensu petitione et voluntate ipsius domini regis Ludovici annuente Adelaide regina filiis etiam ejus Ludovico rege et Henrico ejusdem ecclesie abbate concedentibus salvo in omnibus jure Parisiensis ecclesie imperpetuum donavimus cum omnibus ad eandem ecclesiam pertinentibus scilicet molendino uno in Milbrai furno etiam uno eidem ecclesie proximo villa de Fontanis cum ecclesia et decima terra et prata in loco qui dicitur Rouundel cum prebenda etiam Beate Marie majoris et sedalis ecclesie et cum universis ceteris appenditiis eo dumtaxat modo quo prefate ecclesie clerici eatenus tenuerant Nos autem tranquillitati fratrum ibidem Deo famulantium providentes ex consensu Bernerii decani et Ade precentoris tociusque capituli solas processiones excepta Cruce et Capellano et textu et aqua benedicta eis condonavimus ceteraque omnia ad jus Parisiensis ecclesie pertinentia nobis et ecclesie nostre retinuimus Verum ut hoc ratum et firmum permaneat in sempiternum pres cartam nostri auctoritate sigilli firmavimus que donum nostrum diligenter exponat et munimentum stabilitatis perpetuo existat Actum Parisius in capitulo anno Incarnationis Domini MCXXXIII regnante Ludovico anno vigesimo v episcopatus autem nostri nono Signa quoque fratrum nostrorum subtitulari decrevimus ut testimonio veritatis quod factum est corroboraretur Signum Bernerii decani S Adae precentoris S Stephani archidiaconi S Theobaldi archid S Theobaldi archid S Gisleberti sacerdotis S Theuderici sacer S Wilelmi diaconi S Yvonis diac S Guineranni diac S Anselmi subdiac S Petri subd S Alberici subd S Henrici pueri S Manasses pueri S Henrici pueri