Charter Document - 04890191
| Charter Number: | 04890191 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Revocation |
| Date: | 1126 - 1131 |
| Date type: | Assigned |
| Resource Link(s): |
|
Charter:
In nomine Patris et Filii et Spiritus Sancti Amen Notum fieri volumus quam presentibus tam futuris quia Gerardus de Capi Ulgeri filius sancte Compendiensis ecclesie beati Cornelii terram quam de ipsa ecclesia sub census redditione tenebat libere et absolute reddidit Nos autem sancte predicte Compendiensis ecclesie canonici precibus ejusdem Girardi et filiorum ejus terram ipsam ecclesie de Capi sub censu quinque solidorum illius monete qua census et consuetudines in eadem provincia persolventur habendam concessimus ita quidem ut census ille quotannis ad predictam Compendiensem ecclesiam ad festum sancti Martini hiemalis aut infra octavas deferatur Ut autem nostra concessio rata sit nec in eternum deleri possit scripto commendantes sigilli nostri impressione corroboravimus et eorum qui presentes affuerunt nomina et signa subscribi precepimus S Gaufridi decani S Johannis cantoris S Odardi prepositi S Ivonis Tezonis S Ivonis Morardi S Lisiardi S Leonis S Drogonis S Roberti S Geroldi S Guidonis Signa monachorum ecclesie de Capi S Petri prioris S Guillelmi S Petri S Roberti S Simonis S Haimerici Famulorum eorum nomina Bernoldus Robertus Henricus Guido Ogerus Lambertus Laici Compendienses Obertus prepositus regis Dodo prepositus Sancte Marie Bosardus Claro Fulco Rotoldi filius Albertus decanus regis Gualterus Morardi filius