Charter Document - 04881079
| Charter Number: | 04881079 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1097 |
| Date type: | Internal, A.D. |
| Resource Link(s): |
|
Charter:
His ita pacifice compositis Dominus Hugo ut post decessum suum elemosinam quam dederat Sancti Martini ecclesia possideret perrexit ad Corbolium castrum Ibi enim habebat alios parentes filios Herenburgis neptis sue quorum unus Fredericus nominabatur alius Gaufredus tertius Walterius et quartus Bego dicebatur Hos quatuor cum matre eorum Herenburge et sororibus suis filiabus ejusdem Herenburgis multis precibus circumvenit rogans eos ut elemosinam suam supradicte ecclesie Sancti Martini concederent et concedentes partem in elemosina haberent Qui peticionibus religiosi viri adquiescere dignum esse judicantes peticionem illius impleverunt et donum superius nominatum ecclesie Sancti Martini omnes una die in Corboilo castro concesserunt et ut hoc manifestius fieret posuerunt donum in manu domni Walterii monachi qui tunc camerarius erat Sancti Martini mater scilicet cum filiis et filiabus suis Et ita ab illo tempore usque hodie ecclesia Sancti Martini extincta omni calumnia elemosinam sibi datam quiete possidet Factum est hoc in Corboilo audientibus et videntibus his testibus quorum nomina hic ne oblivioni tradantur conscripsimus Odo comes Corboili Fredericus filius Balduini Belvacensis Godolricus vicecomes Walterius Lisiardus Wido frater ejus Orricus Calandus Paganus de Lanciaco Walterius Cociacus Waldricus de Villa crena Wido Bertrannus et Henricus fratres Geraldus Gastinellus Hugo de Muissiaco Odo Bisollus Odo de Chanquiliaco Warinus frater majoris Levinus famulus Sancti Arnulfi Hoc factum est anno Incarnati Verbi MXCVII indictione v vivente atque regnante Philippo rege et Willelmo Parisiaco episcopo tempore domni Hugonis abbatis Cluniacensis et Ursionis prioris ecclesie Sancti Martini de Campis Benedictus Deus qui fecit mirabilia in celo et in terra