Charter Document - 04880186
| Charter Number: | 04880186 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Restoration |
| Date: | 1127 - 1128 |
| Date type: | Internal, A.D. |
| Resource Link(s): |
|
Charter:
In nomine Patris et Filii et Spiritus Sancti Amen Ego Guarinus Dei gratia Ambianensis ecclesie minister humillimus sancte Dei Ecclesie filiis presentes et futuris eternam in Domino salutem Notum fieri volumus tam presentium quam futuris quod Guido clericus nos et Radulfum archidiaconum nostrum adierit suisque adjunctis precibus reverentissimi episcopi Suessionensis Goislani et prioris monasterii Sancti Martini de Campis nos implorans misericorditer impetraverit quatinus ecclesiam in honore egregii confessoris et preciosi pontificis Christi Martini in territorio Wangneii sitam et altare de Bonaio et altare de Curcellis cum possessionibus quas nunc habent fratribus predicti monasterii Sancti Martini de Campis concederemus eisque perpetualiter possidenda cum omnibus ad eadem altaria pertinentibus mansuro privilegio confirmaremus ne inter successores nostros episcopos et monachos predictis monasterii impostorum dissensio oriretur Anno itaque ab Incarnatione Domini MCXXVII indictione v predicta altaria cum appendiciis suis et omni possessione quam prefatus Guido habebat predicto priori Sancti Martini de Campis Odoni et fratribus annuente clero Ambianensi concessimus eisque super hoc perpetualiter mansurum ut integre habeant quiete possideant presens privilegium tradidimus Sinodales tamen census circata aliasque canonicas consuetudines nostras ac ministrorum nostrorum in manu nostra retinuimus statuentes ut annis singulis nobis nostrisque ministris et successoribus statutis temporibus solvantur Si quis vero quod absit levitate temeraria impulsus hec violare presumpserit anathema sit Nomina vero personarum in quarum presentia predictorum traditionem confirmavimus per manum Arnulfi notarii nostri cum signo nostro subscribi precepimus Signum Guarini Ambianensis episcopi Signum Goislani Suessionensis episcopi Signum Radulfi archidiaconi Signum Symonis archidiaconi et prepositi Signum Rogeri decani Signum Acardi Rogeri Bothonis sacerdotum Signum Radulfi Dodomani Ingelbrandi diaconorum Signum Andree Guidonis Wermundi subdiaconorum Signum Balduini Acardi Hugonis accolitorum Radulfus cancellarius scripsit et subscripsit