Charter Document - 04880167

Girbertus Dei gratia Parisiorum episcopus omnibus Xristi fidelibus Placuit episcopali providentie ad honorem Dei et ecclesie pacem causam et controversiam inter domnum Matheum priorem Sti Martini et Drogonem de Claciaco diu agitatam atque ventilatam sed tandem Deo miserante cum pace terminatam stilo veritatis annotare et seriem actionis presenti karte inserere ut scilicet res bene gesta non valeat aut oblivione deleri aut invidia retractari sed si forte opus fuerit et aliqua in posterum calumpnia emerserit karta litis peremptoria in medium recitetur ejusque testimonio tanquam inexpugnabile defensionis clipeo jus ecclesiasticum contra omnem calumpniam roboretur Die igitur statuta ac denominata convenientibus ante presentiam nostram tam priore de Sto Martino quam Drogone de Claciaco conquestus est miserabiliter idem prior de Drogone qui eum et totum monasterii conventum et urgebat obprobriis et affligebat injuriis et consuetudines quasdam quas eis debebat reddere non volebat Fuerat enim hospes quidam apud Nusiacum villam Sti Martini qui de domo et pro domo quam in atrio possidebat preter annuos redditus ex debita consuetudine monachis reddebat et calcitram in lecto et furcam in prato et ad recipiendam annonam saccum et de vino venali forati cum et rotaticum et multa alia sicut et ceteri hospites in eodem atrio commanentes In eadem vero domus area in eodem prorsus loco Drogo domum suam construxerat predictasque consuetudines vice hospitis inde reddere debebat sed reddere neglexebat et iccirco ipse prior a nobis exigebat quatenus eum dictante justicia ad ea reddenda cogeremus et de tanta eum negligentia ad satisfaciendum compelleremus Facta igitur in hunc modum querela prioris respondit Drogo quod nec Prior ista debebat exigere nec ipse exsolvere quoniam antecessores sui plures in eodem atrio domos possederant predictasque consuetudines nullatenus inde reddiderant temporibusque canonicorum et monachorum Sti Martini in hac libertate permanserant et ad eorum similitudinem domum de quo modo questio erat ab illis consuetudinibus liberam et immunem tenere volebat Hujusmodi vero Drogonis responsionem ostendit Prior nec valere nec pertinere tum quia antecessorum illius possessio circa domum de qua modo agebatur nulla extiterat tum quia ecclesia Dei laicali possessione vel presumptione nec jure suo privanda nec consuetudine est spolianda His igitur ita pertractatis cum secundum dieta et responsa utriusque partis de judicio tractaretur presentate sunt nobis littere doni pape C[alixti] in quibus et persona Drogonis in atrio et altari participantis de sacrilegio notabatur et parvitas nostra Apostolica auctoritate monebatur quatinus eumdem Drogonem nisi cessaret a monachorum vexatione anathematis gladio feriremus et quem blanditie non movebant severitate ultionis corrigeremus Litteris igitur apostolicis in medium recitatis visum est nobis non solum juxta precedens negocium sed et secundum Apostolicas litteras judicialem proferre debere sententiam et Apostolicam servare per omnia reverentiam Nostre igitur super hoc considerationi Prior diligenter et absolute adquievit et consensit Drogo vero nisi prius judicatum esset litteras Apostolicas judicio interesse recusavit sed exclusis litteris judicium se libenter auditurum sepius acclamavit Cum igitur Drogoni judicium de hoc ipso faciendum proponeremus et offeremus utrum scilicet Apostolice littere in ecclesiastico judicio recipiende essent an excludende nostrum super hoc judicium recipere vel audire omnino contempsit et tam a curia quam a justicia discessit Nos itaque fulti tam ratione quam Apostolica auctoritate communicato et episcoporum et abbatum ac religiosorum virorum consilio qui curie et negotio intererant episcoporum scilicet domni Gaufredi Carnotensis domni Clarembaldi Silvanectensis abbatum vero domni Gaufredi Latiniacensis domni Gaufredi de Sancto Medardo domni Gilonis de Caziaco domni Gilduini de Sancto Victore horum inquam et multorum aliorum suffragante Consilio Drogonem illum in malitia sua perdurantem et a perversitate non cessantem post multas quidem indutias post trine vocationis ammonitionem prout meruerat excommunicavimus Tandem vero Deo miserante qui marult vitam peccatoris quam mortem Drogo in se reversus et penitentia ductus consilio quidem domni Stephani archidiaconi nostri et regis dapiferi nostram adiens presentiam coram omnibus tam clericis quam laicis suam super hoc injusticiam et monachorum justiciam recognovit et quod de cetero vice hospitis prenominatas consuetudines redderet viva voce promisit et affirmavit et de injuria priori et monachis toliens illecta veniam postulans nostram inde absolutionem requisivit Nos ergo de ove jam quasi perdita sed per gratiam sancti Spiritus ad ovile quodam modo revocata non minimum gavisi sumus eumque assensu prioris satisfactione tamen prius accepta a vinculo anathematis absolvimus Causa igitur et controversia prioris et Drogonis in hunc modum Deo disponente terminata domnus Stephanus archidiaconus concordie amator et pacis conciliator apud priorem precibus obtinuit quatinus Drogo personaliter tempore ipsius domni scilicet Mathei prioris id est quamdiu prioratus officium obtineret ab istis consuetudinibus furca scilicet et culcitra et sacco liber et absolutus existeret Priore itaque hanc quasi libertatem tam pro voluntate et laude domni Stephani quam pro retinenda precipue de cetero Drogonis ipsius amicitia diligenter ut dictum est annuente dato pacis osculo factus est Drogo amicus de inimico de a verso reversus Testes vero tam cause quam concordie subscribere decrevimus et in robur perpetue firmitatis eorum nomina subannotare dignum censuimus Testes cause Ex parte domni Prioris Supradicti Episcopi et Abbates Clerici Robertus succentor Wilelmus de Stampis Thomas prior de Sancto Victore et Godefridus Laici vero Rodulfus Delicatus Warnerius vicecomes de Bellomonte Hugo de Oene Herbertus Traditus de Ponte Ysare Ex parte Drogonis Domnus abbas Fossatensis Theobaldus Bernerus decanus Parisiensis Archidiaconi Henricus et Theobaldus Clerici Drogo Hudago et Henricus Lotaringensis et multi alii Testes vero concordie Ex parte domni Prioris Domnus abbas Latiniacensis De monachis Sancti Martini Odo Bernuinus Goduinus Ymar Ex parte Drogonis Predicti Archidiaconi Henricus et Theobaldus Clerici multi qui fuerant etiam in causa Milites Rodulfus de Torceio et frater ejus Wido Dissutus et filius ipsius Drogonis Warinus et multi alii Actum publice Parisius in episcopali curia anno Incarnationis Dominice MCXXII indictione i epacta xxii concurrente vi regnante Ludovico rege anno regni ejus xiiii episcopatus domni Girberti anno vi