Charter Document - 04880162
| Charter Number: | 04880162 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1122 |
| Date type: | Internal, A.D., Regnal |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis Ego Ludovicus Dei dispensante misericordia in regnum Francorum sublimatus notum fieri volo cunctis fidelibus tam futuris quam et instantibus quod ecclesiam sancte Dei genitricis Marie sanctique Johannis Evangeliste super Maternam fluvium juxta Gornaium castrum sitam Guido Rubeus et uxor ejus Adelaida pari ab ipso fundamento devotione construxerunt Cum multa illi contulissent beneficia eam cum omnibus ad ipsam pertinentibus monachis Sti Martini de Campis perpetuo habendam concesserunt Ut autem eorum dona que predicte ecclesie dederunt ab aliorum beneficiis distinguamus eadem dona nominatim subscribi precepimus Primum eorum donum monachis Sancti Martini de Campis ut dictum est collatum hoc est prefata ecclesia cum suis clausuris et cum omni circumadjacente ambitu capella de Gornaio terra de Luabum molendinum apud Gornaium apud Rusiacum ecclesia cum atrio et tercia parte ejusdem ville Hec sunt specialiter Widonis et uxoris sue Adelaide dona predictis monachis ab eisdem collata Cunctis preterea innotescere volumus quod Ansellus de Garlanda dapifer noster supradicto monasterio tribuit apud Rusiacum duas ejusdem ville partes et sic totam omnino villam concessit monachis excepto nemore et ipsum nemus eisdem et monachis et eorum hospitibus ad ardendum et hospitandum et ad proprie necessitatis usuario Nusiellum quoque ecclesiam scilicet et quicquid ad illam pertinet cum hospitibus terris pratis vineis cum nemore et molendino sicut monachi ea possident illis donavit decimam insuper de Bercorellis et duas partes decime de Bercheriis terciam quoque partem Balduinus de Claciaco monachis dedit assensu Anselli dapiferi nostri Totam quoque decimam de Pontelz et apud Torciacum medietatem decime que dicitur Sancti Martini et ecclesiam Essonie cum atrio et decima Ansellus eidem monasterio contulit Hospites vero in eodem atrio commanentes Stephanus frater ejusdem Anselli eidem monasterio concessit Apud Canoilum quoque quicquid proprietatis habebat Albertus de Bri ecclesiam scilicet cum decima prata et terram et nemus monachis prefati monasterii concessit ipso Ansello annuente ex cujus feodo habebat His et aliis beneficiis bone memorie Ansellus prefatum dotavit monasterium et Xristum heredem fecit fratribus suis Stephano Willelmo et Gisleberto concedentibus In vodo quod est inter Gornaium et Scalam prefati monachi xvcim arpenta pratorum habent vque de dono nostro viitem de dono Alberici de Montefirmo et tria de aliorum fidelium beneficio Nos autem hec omnia predicta dona Widonis videlicet Rubei et uxoris sue et Anselli dapiferi nostri et Stephani fratris sui et Balduini de Claciaco et Alberici de Montefirmo et volumus et approbamus et quantum ad nostram pertinet Majestatem in perpetuum omnino confirmamus Terram quoque et nemus de Campo Mussoso que Arnulfus de Corquerellis annuente Pagano de Monteguaio predictis monachis dedit nos eidem ecclesie confirmamus Eidem ecclesie confirmamus terram et nemus quod dicitur Raimundi Actum Parisius publice anno Incarnati Verbi MCXXII regni nostri xiii Adelaidis regine septimo S Stephani dapiferi S Gisleberti buticularii S Hugonis constabularii S Alberici camerarii Data per manum Stephani cancellarii