Charter Document - 04880158
| Charter Number: | 04880158 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1120 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis Ego Ludovicus Dei gratia Francorum rex notum fieri volo tam futuris quam et instantibus quod quicquid Frogerius et Agnes uxor ejus monachis Sancti Martini de Campis in ecclesia de Atichiaco dederunt et daturi sunt concedimus et auctoritate Majestatis nostre confirmamus Quod ne valeat oblivione deleri scripto commendavimus et ne possit a posteris infringi sigilli nostri auctoritate et nominis nostri caractere subter firmavimus Actum Parisius anno Incarnati Verbi MCXVIIII regni nostri xii Adelaidis regine vi Astantibus in palatio nostro quorum nomina sub titulata sunt et signa Signum Willelmi dapiferi Signum Gisleberti buticularii Signum Hugonis constabularii Signum Widonis camerarii Data per manum Stephani cancellarii