Charter Document - 04880156
| Charter Number: | 04880156 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1119 |
| Date type: | Internal, A.D., Episcopal, Regnal |
| Resource Link(s): |
|
Charter:
Rodulfus Dei gratia Remensis ecclesie licet indignus minister et servus universis sancte matris Ecclesie filiis presentibus et futuri in domino Jesu salutem et in bono unanimitatem Nos quos propitia Divinitas Ecclesie sue ministros ordinavit ecclesiarum ac monasterium utilitatibus compellit suscepti regiminis cura debita sollicitudine providere ac piis bonorum desideriis assensum prebere Quocirca domni Ingelranni Ambianensis confratris et coepiscopi nostri bonam voluntatem audientes et sue presentis persone peticionem sanam suscipientes justa privilegii sui sententiam ecclesiam quandam in honore egregii confessoris et preciosi pontificis Christi Martini sitam in Guangneii fratri Roberto et canonicis ibidem regulam Beati Augustini propositumque profitentibus cum possessionibus quas nunc habent et que nostris et successorum nostrorum temporibus concessione pontificum vel oblatione fidelium regulariter ei accedere potuerunt metropolitana auctoritate firmamus Ad hoc decernimus ut nulli omnino homini liceat perturbare eandem ecclesiam temere aut ejus possessiones auferre vel ablata retinere vel temerariis vexationibus fatigare Ut autem hec rata permaneant et inconvulsa sigilli nostri impressione ac probabili personarum testimonio ea muniri ac roborari precepimus Signum Odonis abbatis Beati Remigii Signum Hugonis abbatis Altovillarensis Signum Joffridi Sancti Theoderici abbatis Signum Joranni Beati Nicholai abbatis Signum Ursionis Beati Dyonisii abbatis Signum Nycholai archidiaconi Signum Ebali prepositi Signum Joffridi decani Signum Lamberti cantoris Signum Gerardi Signum Elberti Signum Ade presbiterorum Signum Fulcuini Signum Ermenrici Signum Richardi dyaconorum Signum Symonis Signum Gerardi Signum Leonis subdyaconorum Actum Remis anno Incarnati Verbi millesimo CXVIIII indictione xi regnante Ludovico gloriosissimo rege Francorum anno xii archiepiscopatus autem domni Rodulfi anno xiii Fulchradus cancellarius recognovit scripsit et subscripsit