Charter Document - 04880152
| Charter Number: | 04880152 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1117 |
| Date type: | Internal, A.D., Regnal |
| Resource Link(s): |
Cartulaires d'Île-de-France TELMA - Traitement électronique des manuscrits et des archives |
Charter:
In Xristi nomine Ego Ludovicus Dei gratia Francorum rex Notum fieri volo tam futuris quam et instantibus quoniam nostram adiere presentiam domnus Matheus prior Sancti Martini totusque ejusdem ecclesie conventus rogantes ac obnixe deprecantes quatenus pro animarum patris mei et matris mee predecessorumque nostrorum remedio quemdam servum nostrum nomine Ansoldum ecclesie Bti Martini donaremus Quorum petitionem misericorditer amplexus eum eidem Ecclesie nihil prorsus in eo retinentes in perpetuum donavimus Verum ut hoc ratum et firmum maneat in sempiternum presentem kartam nostri auctoritate sigilli firmatam et corroboratam fieri disposuimus que et istud donum patenter exponat et in munimentum stabilitatis perpetuo existat Actum Parisius anno Incarnati Verbi MCXVII regni nostri viiii Adelaidis regine iii Astantibus in palatio nostro quorum nomina sub titulata sunt et signa Signum Anselli dapiferi Signum Gisleberti buticularii Signum Hugonis constabularii Signum Widonis camerarii Data per manum Stephani cancellarii