Charter Document - 04880146
| Charter Number: | 04880146 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1108 - 1115 |
| Date type: | Assigned |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis Amen Ludovicus Dei gratia Francorum rex notum fieri volumus universis sancte Dei Ecclesie cultoribus tam futuris quam et presentibus et maxime ministerialibus nostris quod quendam de familia Beati Martini Vualonem videlicet nomine quem quia uxorem duxerat de familia nostra filiam videlicet majoris de Savinniaco dictante justitia calumpniabamus peticione Tedbaldi Sti Martini tunc temporis prioris et Rotberti de Provinniaco ac ceterorum fratrum ejusdem ecclesie in anime patris mei remedio cum uxore sua Sto Martino liberum dedimus et ab omni jugo servitutis qua detentus fuerat liberum penitus et quietum Et ut hec libertas ex parte nostra firma et inconvulsa permaneat memoriale presens inde fieri et nostri nominis karactere et sigillo signari et corroborari precepimus Teste Ivone Carnotensi episcopo Stephano Parisiensi archidiacono Willelmo ipsius fratre Herluino Frogerio