Charter Document - 04880145
| Charter Number: | 04880145 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1115 |
| Date type: | Internal, A.D., Regnal |
| Resource Link(s): |
Cartulaires d'Île-de-France TELMA - Traitement électronique des manuscrits et des archives |
Charter:
In Xristi nomine Ego Lugdovicus Dei dispensante misericordia in regem Francorum sublimatus notum fieri volo tam futuris quam et instantibus quoniam nostram adiit presentiam Willelmus de Warlanda fidelis noster rogans ac obnixe deprecans quatinus de pedagio suo apud Bunzeias collecto quod a nobis in feodum tenebat viginti solidos quos pro anima Alberti cujusdam cognati sui Beato Martino dederat donaremus et fratribus ibidem Deo militantibus pro animarum patris mei et matris mee predecessorumque nostrorum remedio in perpetuum possidendos concederemus Quod ita et fecimus Verum ut hoc ratum et firmum permaneat in sempiternum presentem kartam nostri auctoritate sigilli firmatam et corroboratam fieri disposuimus que et plene perfecteque elemosinam istam factam exponat et in munimentum stabilitatis perpetuo existat Actum Parisius anno Incarnati Verbi MCXV regni nostri septimo Adelaidis regine primo Astantibus in palatio nostro quorum nomina sub titulata sunt et signa S Anselli dapiferi S Gisleberti buticularii S Hugonis constabularii S Widonis camerarii Data per manum Stephani cancellarii