Charter Document - 04880124

In nomine sancte et individue Trinitatis Quoniam juxta Apostolicum qui manet in caritate in Domino manet et Deus in eo necessarium est confratrum nostrorum necessitatibus nos condescendere et aurem misericordie necessaria petentibus misericorditer aperire ut per matrem omnium virtutum Caritatem templum Dei vas electionis efficiamur et in die districti examinis si misericordes hic fuerimus Deum nobis misericordem ac propitium invenire mereamur Scriptum est enim Beati misericordes quoniam ipsi misericordiam consequentur Ego igitur Gualo Dei gratia Parisiorurn episcopus misericordia quidem motus caritatis que non agit perperam igne accensus quamdam terram que vocatur Alnetum ecclesie Sancti Martini de Campis concordi quidem canonicorum nostrorum assensu jure perpetuo habendam concessi salvis quidem consuetudinibus quas Parisiensis episcopus in terram illam habebat tempore Gualeranni de Villaperor qui predictis villam possidebat Huic autem dono Robertus comes de Mellento qui terram illam a nobis in feudum habebat Guido etiam de Puteaco et Gualerannus frater ejus Hugo quoque filius Evrardi de Puteago ad quem pertinebat hereditas illius feodi isti inquam omnes legitimum assensum prebuerunt ita scilicet ut ecclesia Sancti Martini terram illam possideret sicut predictus Gualerannus possidebat eo die quo donum istud factum est Facta est autem hec concessio et hoc donum hac conditione ut salvo in omnibus jure et consuetudine Parisiensis episcopi neque hospites nostri neque res eorum contra voluntatem nostram vel successorum nostrorum in predictam terram recipiantur Diffinitum est etiam et omnino concessum ut quandocunque aut ego aut quilibet successor noster Parisiensis episcopus centum libras monete ad medietatem prefate ecclesie Sancti Martini inpenderet eadem ecclesia vel nobis vel successoribus nostris medietatem predictis terre et omnium ad illam pertinentium ex integro habendam concederet ea videlicet conditione ut denominata pecunia de rebus quidem episcopi propriis vel sibi commodatis traderetur et nulla alia persona quasi sub nomine episcopi ad possidendam terram illam admitteretur Determinatum est etiam ut postquam medietas illa in dominium episcopi deveniret neque episcopus absque priore Sancti Martini neque ille absque assensu episcopi vel talliam aut aliquem alium questum a predicta terra exigeret Ut autem hec concessio et conditio perpetue stabilitatis muniantur privilegio presentem cartam fieri decrevimus et in testimonium veritatis figuris nominum nostrorum illam signavimus + Signum Gualonis episcopi Signum Berneri decani Signum Ade precentoris Signum Guilelmi archidiaconi Signum Stephani archidiaconi Signum Rainaldi archidiaconi Signum Duranni presbiteri Signum Alexandri presbiteri Signum Landonis presbiteri Signum Fulconis levite Signum Hilduini levite Signum Guineranni levite Signum Fulberti subdiaconi Signum Guidonis subdiaconi Signum Roberti subdiaconi Actum publice Parisius in capitulo Beate Marie anno ab Incarnatione Domini MCVIII indictione xv epacta xvii concurrente iii Ludovico rege regnante anno i anno episcopatus Gualonis iiii Girbertus cancellarius subscripsit