Charter Document - 04880091
| Charter Number: | 04880091 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1101 |
| Date type: | Assigned |
| Resource Link(s): |
|
Charter:
Ego Ilbertus Dei miseratione sancte Peronensis ecclesie dictus decanus totumque ejusdem ecclesie capitulum universis Sancte matris Ecclesie filiis salutem Quoniam nos per succedentium vices in hunc ordinem mortalitatis ea lege natura suscepit quod sicut predecessorum suscepti sumus loco sic nos admittere posteros et cedere venientibus oporteret Dignum nobis visum est antique patrum consuetudini quantum possumus adherere et quemadmodum ipsi preteritorum memoriam antiquatam ab oblivionis interitu vivaci pagina defendere statuerunt sic nos etiam litterarum vigilante custodia ab invide vetustatis neglecta caligine posterorum mentis oculos abstergamus Notum itaque facimus tam presentes quam futuri venerabilem fratrem nostrum Odonem precentorem in presentia nostra ecclesie Sancti Medardi de Capi pro anniversario suo et pro animabus predecessorum suorum duas partes decime de Barlos que ad eum jure hereditario spectabant in elemosina concessisse et ne forte aliquis in posterum reclamaret testes multos adhibuisse Nos autem quoniam in presencia nostra donum istud sanctitum est signa eorum et nomina qui interfuerunt subscripsimus et sigilli Beati Fursei impressione firmavimus Signum Radulfi sacerdotis Signum Hugonis et Ingranni diaconorum Signum Gossuini canonici Signum Milonis scolastici Signum Girardi Signum Symonis Signum Guidonis Signum Radulfi Signum Rabodi Signum Urbani Signum Gaufridi Signum Girardi cancellarii