Charter Document - 04880090

Audiant filii matris Ecclesie quod Joscelinus archidiaconus altare de Campiniaco domui Dei Sancti Martini de Campis dedit quod eadem ecclesia longo tempore nullo calumpniante tenuit regnante Philippo rege Gaufrido cujus nutu hoc factum est Parisiace urbis existente episcopo Sed pullulante Ejus invidia qui ait Ponam sedem meam ad Aquilonem et ero similis Altissimo indeque elatus cecidit nunquam recuperaturus illos quos in loco sui nollet hereditare prout potest dentibus discerpit animum Udonis fratris ejusdem Joscelini cujus favore hoc donum factum fuerat in ardorem cupiditatis accendit et altare supradicte ecclesie Sti Martini abstulit quod per aliquod tempus sub calumpnia et excommunicatione tenuit Dominus autem Jhesus qui peccatores expectat et quos vult salvos fieri ad penitentiam vocat animum illius compunxit et penitentia ductum quod male habebat ecclesie restituit Deinde necdum cessante Diabolo animum commovit Nainteri de Montegaio qui filiam Udonis habebat in conjugio ut altare Campennini auferret ecclesie Sti Martini Ille vero Angelo nequam credidit et altare ecclesie sine judicio et lege sibi accepit Sed Ursione priore qui sub Hugone abbate Cluniacense ecclesiam superius sepius repetitam regebat cum ceteris senioribus calumpniante et cum eo placitante judicio virorum catholicorum quod sese male accepisse agnovit ecclesie Sti Martini uxore ejus Avelina annuente reddidit Videntes autem seniores cum Ursione priore quia cupiditate census redditionem dilataverat Nantero equum uxori vero ejus sexaginta solidos Pruvinensium propter duas uncias auri quas inde habere volebat dederunt sicque ipse et uxor ejus calumpniam quam in altari illo faciebant super sanctum altare Sti Martini deposuerunt Hoc testificentur si opus fuerit qui viderunt et audierunt et qui in hac cartula ad testificandum scripti sunt Arroldus videlicet de Montemaurentiaco Petrus Senglarius Paganus de Montegaio Rotbertus de Canoilo Paganus filius Stephani Hugo Expians Verderiam Walterius major Warinus et Teudo fratres ejus Hugo Warnerius Gaufredus et Fulco fratres ambo cocci Sti Martini Herlebaldus de Vitreio Poncius filius Ebrardi de Nuiseio Walterius filius Gundramni Georgius sacrista Bernardus frater ejus Hugo Rufus de Aneto Rainaldus Ad Barbam Rotgerius sartor Theodericus pistor