Charter Document - 04880087
| Charter Number: | 04880087 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1099 |
| Date type: | Internal, A.D., Calendar |
| Resource Link(s): |
|
Charter:
Ego Ansellus Dei gratia Belvacensis episcopus Notum facio omnibus fidelibus tam futuris quam presentibus qualiter altare ecclesie de Mairu pervenit ad dominium Beati Martini de Campis Radulfus Delicatus postquam cognovit quod laici injuste possidebant altaria altare prefate ecclesie cum omnibus appenditiis per concessionem nostram dedit Beato Martino annuente Hugone Meldensi milite Ut ergo donum quod per nos domnus Radulfus fecit firmissimum haberetur impostorum presente domno Ursione priore Beati Martini necnon presente Gaufrido monacho coram personis ecclesie Beati Petri donum predicti militis ad audientiam eorum qui aderant proferentes prefatum altare per confirmationem personarum ecclesie nostre Beato Martino tenendum concessimus de ecclesia Belvacensi et hoc scriptum inde factum sigillo nostro signavimus Presentes fuerunt Rogerus archidiaconus et Henricus decanus in quorum archidiaconatu predictum altare situm est domnus Gualo abbas Sancti Quintini Hugo decanus Belvacensis ecclesie Drogo cantor Rogerus Goscelinus Rotbertus Galterus magister Gualterus Actum Belvaci in Capella Belvacensium episcoporum pridie calendas januarii anno Incarnati Verbi millesimo nonagesimo nono regnante Philoppo rege