Charter Document - 04880075

Urbanus episcopus servus servorum Dei venerabili fratri Hugoni Cluniacensi abbati salutem et apostolicam benedictionem Pie postulatio voluntatis effectu debet prosequente compleri Quatinus et devotionis sinceritas laudabiliter enitescat et utilitas postulata vires indubitanter assumat Tue igitur voluntati et communis filii Ursionis prioris postulationibus annuentes Beati Martini monasterium quod de Campis dicitur in Parisiensi parochia situm presentis decreti auctoritate munimus ut quemadmodum cetera Cluniacensis cenobii membra semper sub Apostolice sedis tutela permaneat et cuncta que ad locum ipsum in presentiarum pertinere videntur Ecclesia videlicet de Agenvilla De Novavilla De Mareio De Monte Martyrum De Loveriis De Castenio De Nota Sancti Remigii De Nota Sancti Martini De Renzegio De Balbineio De Caleio De Confluentio De Capeio De Fontanis De Flamaregia villa De Valle Villaris De Monciaco Villa que dicitur Bonzeia Nuceium magnum Nuceium minus Anetum Maioriolas Sancta Gemma Rodanivilla Ursonisvilla Clamardum Sorvillare Pentinum Cevrennum Sanctus Hylarius cum ecclesiis et pertinentiis earum Ecclesia etiam de Cona De Bonella De Pringeio Quicquid preterea idem locus hodie juste possidet vel collatione bone memorie Henrici Francorum regis qui ejusdem loci fundator extitit vel filii ejus Philippi cujus donatione cella eadem ad vestrum cenobium noscitur pertinere Quicquid a quibuslibet fidelibus de suo jure eidem loco collatum est vel in futurum conferri contigerit firma semper et illibata permaneant tam a te quam ab his qui per te vel successores tuos eidem loco prepositi fuerint perpetuo possidenda regenda ac disponenda Decernimus ergo ut nulli omnino hominum liceat idem cenobium temere perturbare aut ejus possessiones auferre vel ablatas retinere minuere vel temerariis vexationibus fatigare sed omnia integra conserventur eorum pro quorum sustentatione ac gubernatione concessa sunt usibus omnimodis profutura Si qua ergo in crastinum ecclesiastica secularisve persona hujus decreti paginam sciens contra eam temere venire temptaverit secundo tertiove commonita si non satisfactione congrua emendaverit potestatis honorisque sui dignitate careat reamque divino judicio se existere de perpetrata iniquitate cognoscat et a sacratissimo corpore ac sanguine Dei et Domini redemptoris nostri Ihesu Xristi aliena fiat Atque in extremo examine districte ultioni subjaceat Cunctis autem eidem loco justa servantibus sit pax Domini nostri Ihesu Xristi Quatinus et hic fructum bone actionis precipiant et apud districtum judicem premia eterne pacis inveniant Amen Amen Amen Datum Nemausi per manum Johannis sancte Romane ecclesie diaconi cardinalis II idus Julii indictione iv Incarnationis Dominice anno MXCVII pontificatus autem domni Urbani secundi pape ix