Charter Document - 04880073
| Charter Number: | 04880073 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1096 |
| Date type: | Assigned |
| Resource Link(s): |
|
Charter:
Notum esse volumus contemporaneis etposteris nostris quoniam parva ecclesia que in colle Montis martirum est et a vulgo appellatur Sanctum Martirium erat olim laicorum hominum qui pro absolutione peccatorum suorum et salute animarum suarum consequenda eam dederunt Deo et Sto Martino de Campis et domno Ursoni priori et senioribus ejusdem loci Domnus autem Urso assensu seniorum et rogatu laicorum concessit oblationem totam que afferretur in ea Bernardo laico in vita sua ad censum x solidorum quos persolvet ad festum Sti Johannis Baptiste singulis annis eo tenore ut in die mortis ipsius Bernardi prefata oblatio Sto Martino remaneat et quicquid facultatis eo die Bernardus habuerit Sto Martino relinquat pro anima sua et dum vixerit missam celebrari faciet in ipsa ecclesia bis vel ter in ebdomada