Charter Document - 04880060
| Charter Number: | 04880060 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1078 |
| Date type: | Assigned |
| Resource Link(s): |
|
Charter:
Notum sit tam presentibus quam futuris quod domnus Adam filius domni Alberti dedit pro remedio anime sue suorumque antecessorum Cluniaco videlicet sanctis apostolis Petro et Paulo ubi domnus Hugo abba videtur magis prodesse quam preesse ecclesiam de Nuisello cum omnibus appendiciis suis et terram que sufficere possit ad unam carrucam omnibus temporibus et unum molendinum et decem arpenta prati et omnes equas suas cum omnibus pullis eorum et unum clausum vinee Torciaco et sepulturam ipsius ville hoc quid ipse ibi videtur habere et sepulturam de Pontheils quam ibi habet et sepulturam de Bercheres quam ibi habet et sepulturam de Rosiaco quam ibi habet et sepulturam Sancti Maximi quam ibi habet Insuper hec omnia tradit supradictis Apostolis omnes sepulturas quas hodie possidet et quas in futuro adquiret Pro hoc beneficio recipimus vos uxorem vestram et omnes amicos vestrosque consanguineos vivos et defunctos in societate nostra et in omnibus benefactis nostris ut Deus vobis concedet vitam eternam Si quis huic dono contrarius exstare voluerit iram super se provocet omnipotentis Dei nisi penituerit et ad satisfactionem venerit