Charter Document - 04880047
| Charter Number: | 04880047 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1079 - 1094 |
| Date type: | Assigned |
| Resource Link(s): |
Cartulaires d'Île-de-France |
Charter:
Notum sit omnibus Xristi fidelibus quod Waszo et Willelmus frater ejus dederunt ecclesie Sti Martini de Campis molendium de Dugniaco ad modiationem ita ut in anno recipiant bone grosseque annone unum modium cetera vero omnia ecclesia possideat Ita tamen ut in festivitate Beati Remigii dimidium modium bone grosseque annone habeant media vero quadragesima alium dimidium modium utriusque annone suscipiant Aliud adhuc fuit additamentum quod debet esse notum hoc videlicet quod si cum dominis suis aut cum quibuslibet aliis viris guerram habuerunt qui partem suam a molendino rapere velint si ut determinatum est in molendino parata fuerit et presvalens hostis eam rapuerit aliquis eorum a monachis nullam redditionem exigebit Hoc donum sic determinatum hi duo fratres Waszo et Willelmus super altare Sti Martini posuerunt concedentibus dominis suis Waszone et Pagano de quorum tenebant feodo Hoc etiam concessit predictus Waszo et Paganus ut quicquid Waszo et Willelmus frater ejus vellent dare Sto Martino de feodo suo stabile et firmum habetur