Charter Document - 04880031
| Charter Number: | 04880031 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1087 |
| Date type: | Assigned |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis Cum in laboribus et opprobriis hujus seculi Xristi fidelibus parata sunt infinitus honor et requies et egentibus communicare summa et inaudita jocunditate felices imo absolutos solicitudine egere cum Xristo eos faciat gloriosos et divites providendum est Utilitati nostre in hoc exilio lacrimarum ut ipsa Karitate que Deus est ducamur ad patriam Supernorum in qua cum ipso regnemus in omnium plenitudine gaudiorum Placere ergo Karitati Humilitas nostra non differat et necessaria petentibus habundans misericordia manum benedictionis non retrahat Nos itaque patriam nostram tenui licet imagine somniantes ad eam tamen modicum quantulumcumque suspiramus etsi in multis delinquimus non tamen de Dei misericordia desperamus Ego igitur Godefridus Dei gratia Parisiorum episcopus monachis Cluniacensibus apud Stum Martinum de Campis Domino servientibus dum ibi quidem Cluniace religionis ordo servabatur altare Maierolis ville cum his que ad altare pertinent perpetuo jure tenenda concedo deprecante Drogone archidiacono in cujus tenore altare illud tunc habebatur annuente etiam Ivone archidiacono in cujus archidiaconatu altare illud consistit Ita quidem dumtaxat ut quam in ecclesia Sti Martini subjectionem habemus eandem nobis in ecclesia supradicte ville preter cardinalis presbiteri in festis diebus officium retinemus De synodo autem et circada et de cura animarum parochiano presbitero a nobis commissa et de ceteris omnibus ad curam animarum pertinentibus nichil ad presens quantum ad jus ecclesiasticum attinet relaxamus Et ut hec karta firmior habeatur manibus clericorum nostrorum firmandam tradidimus S Goisfredi Parisiorum episcopi S Johannis decani S Drogonis archidiaconi S Joscelini archidiaconi S Ivonis archidiaconi S Waleranni cantoris S Walterii sacerdotis S Roberti sacerdotis S Rogerii sacerdotis S Haimonis diaconi S Radulfi diaconi S Henrici diaconi S Alberici diaconi S Odonis subdiaconi S Hugonis subdiaconi S Otlandi subdiaconi S Goisfridi subdiaconi S Widonis pueri S Walterii pueri S Willelmi pueri Wlgrinus cancellarius scripsit