Charter Document - 04880027
| Charter Number: | 04880027 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1060 - 1108 |
| Date type: | Assigned |
| Resource Link(s): |
Cartulaires d'Île-de-France |
Charter:
Noscant p et f quod quadam bone voluntatis mulier de Sto Clodoaldo Ermesendis nomine uxor Rotgerii cum ad mortem que cunctis debetur mortalibus venisset dedit ecclesie Bti Martini de Campis tres arpennos vinearum pro redemptione anime sue concedente viro suo predicto videlicet Rogerio sed medietatem earum vinearum isdem Rogerius sibi retinuit redditurus eam Bto Martino cum rebus humanis excesserit Et ut hoc donum firmius stare posset idem Rogerius post mortem conjugis ad ecclesiam Sti Martini venit et prius in capitulo coram monachis donum quod uxor ejus fecerat firmavit et post super altare Sti Martini manu sua posuit audientibus et videntibus his testibus Helgoto et Herluino filio ejus Josceloto carpentario Teobaldo fabro Rotgerio filio Walterii Drogone nepote Helgoti Erenberto fabro Terrico de Basochis Raulino Bernardo hospitali Hoc autem notandum est quod idem Rogerius de sua medietate solvit Sancto Martino semimodium vini pro recognitione Vinee autem de quibus loquimur in villa que Clamart dicitur consistere videntur