Charter Document - 04880014
| Charter Number: | 04880014 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1069 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis Ego Philippus Francorum rex notum fieri volo universis fidelibus quod mater mea nomine Anna divina inspirante clementia compuncta mei presentiam supplici devotione adiit materno affectu obnixe deprecans et postulans quatinus ecclesiam quamdam in suburbio Silvanectensi in vico qui dicitur Victellus in honore Sancti Vincentii diutius antea desolatam sed ab ea pie et benigne pro anima patris mei suique de propriis sumptibus restauratam ex consuetudine et more aliarum ecclesiarum ad reges pertinentium scilicet Sancti Frambaldi Sanctique Martini Parisiensis et Sancte Genovefe virginis liberam facerem Cujus humilitati condescendans libentissime precibus illius pro anima patris mei parentumque meorum adquievi Actum Silvanectis anno ab Incarnatione Domini MLXVIIII et regis Philippi viiii luna viiii in dictione iiii[]