Charter Document - 04871355
| Charter Number: | 04871355 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1286 |
| Date type: | Internal, A.D. |
| Resource Link(s): |
Reference Document for this Embedded Document Cartulaires d'Île-de-France |
Charter:
Philippus Dei gracia Francorum rex Notum facimus universis tam presentibus quam futuris quod nos ob devocionem quam habemus ad ecclesiam Aurelianensem ob etiam remedium anime nostre ac inclite recordacionis Philippi quondam Francorum regis et Ysabellis ejus consortis carisimorum parentum nostrorum specialiter pro eorum anniversario quod singulis annis certa die sollempniter decanus et capitulum ipsius Aurelianensis ecclesie celebrare tenentur in eadem ecclesia concedimus eisdem decano et capitulo quod ipsi extra civitatem Aurelianensem in feodis aut retrofeodis nostris in augmentum reddituum et proventuum dicte Aurelianensis ecclesie possint acquirere sibi et eidem sue ecclesie usque ad summam vinginti libratarum parisiensium annui et perpetui redditus dum tamen in eis justiciam aut dominium non acquirant volentes quod eas teneant pacifice perpetuo sine coactione vendendi vel extra manum suam ponendi salvo in aliis jure nostro et in omnibus jure quolibet alieno Quod ut firmum et stabile perseveret presentes litteras sigillo nostro fecimus communiri Actum anno Domini millesimo ducentesimo octogesimo sexto Parisius mense decembris