Charter Document - 04871322
| Charter Number: | 04871322 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis officialis curie Aurelianensis salutem in Domino Notum facimus quod in nostra presentia constitutus Guiardus de Tribus fontibus domicellus decem libras quinque solidos quatuor denarios et obolum quos ipse Guiardus et Ysabellis uxor sua habebant et percipiebant annuatim in reditibus apud Bitriacum in feodo domini Aurelianensis episcopi in censu campi parte oblitis et aliis redevenciis debitis a Guiardo Sechenau a Guillermo ejus genero a dicto Soillart et a filio defuncti Huberti de Bolonvilla dedit et concessit in escambium seu permutationem Guidoni de Chameroles domicello ab ipso Guidone et Johanna uxore sua et eorum heredibus et successoribus habendos et percipiendos annis singulis pro quinque modiis et duobus sexteriis tam bladi quam avene quos habebant et percipiebant dicti Guido et Johanna uxor sua in grangia de Mesnilio Giraudi ad mensuram Stampensem et si quod ibi plus habebant et percipiebant dicti Guido et uxor sua item et pro quinque solidis quatuor denariis et obolo annui redditus habendis et percipiendis ab ipsis Guiardo et Ysabelli uxore sua et eorum heredibus et successoribus annuatim Pithveris apud Berdies in hereditate dicte Johanne uxoris dicti Guidonis de Chameroles Dicta vero Ysabellis uxor dicti Guiardi de Tribus fontibus et dicta Johanna uxor dicti Guidonis de Chameroles constitute coram Thoma de Capella notario curie Aurelianensis ad hoc specialiter destinato dictum escambium seu permutationem voluerunt laudaverunt approbaverunt et etiam concesserunt Promittentes [] Immo promiserunt [] obligantes [] In cujus rei memoriam et testimonium ad requisitionem partium predictarum sigillum Aurelianensis curie presentibus litteris duximus apponendum Datum anno Domini millesimo ducentesimo septuagesimo mense februario die sabbati post Purificacionem beate Marie virginis