Charter Document - 04871319
| Charter Number: | 04871319 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1269 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Ludovicus Dei gratia Francorum rex notum facimus universis tam presentibus quam futuris quod nos divini amoris intuitu et pro remedio anime nostre et animarum inclite recordationis regis Ludovici genitoris nostri et regine Blanche genitricis nostre et aliorum predecessorum nostrorum quantum in nobis est volumus et concedimus quod omnes persone laycales decimas percipientes ab aliis in terra nostra et in feodis nostris moventibus mediate vel immediate quas ecclesie perciperent si eas laici non haberent possint eas relinquere dare et alio quocumque justo et licito modo ecclesiis concedere tenendas in perpetuum nostro vel successorum nostrorum assensu minime requisito ita etiam quod contra hoc heredes seu successores nostri nullatenus se opponere valeant aut hujusmodi concessionem nostram deinceps aliquatenus impedire Quod ut ratum [] Actum Parisius anno Domini millesimo ducentesimo sexagesimo nono mense martio