Charter Document - 04870377
| Charter Number: | 04870377 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Interdiction |
| Date: | 1134 - 1146 |
| Date type: | Assigned |
| Resource Link(s): |
|
Charter:
Stephanus Aurelianensis ecclesie decanus Stephano subdecano Zacharie cantori et universis ejusdem ecclesie tam prelatis quam canonicis salutem et benedictionem Domini Fraternitas in Christo Jesu exigit quatenus de hiis que justa sunt ne que nos a vobis neque vos a nobis nullatenus discrepemus Super hiis que de segregandis a claustro nostro habitantibus laicis fraternitas nostra a vobis consulendo postulavit eisdem dominis Ostiensi et Tusculanensi episcopis Apostolice Sedis legatis necnon cum Ludovico rege Francorum domino nostro consilium accepimus quorum consilio fulti atque instructi juste petitioni vestre voluntatem nostram atque auxilium diligenter impendimus scilicet ut nulla laica persona ulterius in claustro Sancte Crucis mansionem et habitationem deinceps habere presumat et ne hoc ab aliquo successorum nostrorum infirmari valeat sigilli nostri authoritate confirmavimus