Charter Document - 04870368
| Charter Number: | 04870368 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Ammortisement |
| Date: | 1297 |
| Date type: | Internal, A.D., Feast, Lunar |
| Resource Link(s): |
Cartulaires d'Île-de-France |
Charter:
Universis presentes litteras inspecturis capitulum ecclesie Sancti Aviti Aurelianensis salutem in Domino Notum facimus quod cum venerabiles viri et discreti decanus et capitulum Aurelianensis ecclesie acquisiverunt quamdam domum sitam in claustro nostro et censiva nostra retro domum fratrum ordinis Grandimontensis pro qua domo nobis debentur quatuor denarii census annui et relevationes cum obveniunt que sunt adbonate ad duodecim solidos parisiensium ab antiquo nos volumus et concedimus quod dicti venerabiles viri dictam domum perpetuo teneant in manu mortua solvendo nobis censum tempore debito et relevationes adbonatas cum obvenerint ac nominando nobis vicarium pro eadem Et dicti venerabiles viri nobis concesserunt quod nos acquiramus rem ejusdem valoris in censiva eorumdem dummodo pro illa re quam in censiva eorumdem acquisiverimus non debeantur relevationes excedentes summam duodecim solidorum quam nos tenebimus in manum mortuam eisdem solvendo censum tempore debito et relevaciones adbonatas cum obvenerint ac eis vicarium nominando Et nos bona fide promittimus contra non venire In cujus rei testimonium presentibus litteris sigillum nostri capituli duximus apponendum Datum anno Domini MCC nonagesimo sexto die lune post Purificacionem beate Marie Virginis mense februario