Charter Document - 04870359
| Charter Number: | 04870359 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1289 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Aurelianensis salutem in Domino Noveritis quod in nostra presentia constituti Guillermus dictus le Ballif et Petronilla ejus uxor vendiderunt et titulo pure et perfecte venditionis in perpetuum quitaverunt spontanei non coacti et penitus concesserunt capellanis ecclesie Sancte Crucis Aurelianensis et eorum successoribus quamdam domum cum pertinentiis sitam in vico qui dieitur vicus Malleti juxta domum elemosine Aurelianensis ex una parte et domum dicti Painchaut ex altera in censiva heredum defuncti Guillelmi de Fossatis precio quadraginta duarum librarum parisiensium de quibus se tenuerunt dicti venditores pro pagatis videlicet de triginta duabus libris parisiensium in pecunia numerata in utilitatem dictorum venditorum conversa et decem libras parisiensium residuas retinuerunt dicti capellani de voluntate et assensu dictorum venditorum in quibus dicti venditores dictis capellanis tenebantur pro anniversario matris dicti Guillelmi et suo perpetuo faciendo prout hec dicti venditores confessi sunt coram nobis exceptioni [] Promittentes [] Immo promiserunt [] In cujus rei testimonium presentibus litteris sigillum curie Aurelianensis duximus apponendum Datum anno Domini millesimo ducentesimo octogesimo nono die lune ante festum Omnium Sanctorum